Lia Vien : Rindu

Hai, kamurang! Sudah 2025 ni, sikit hari lagi 30 sudah umur kita berempat. Sadis. Tadi macam mau update blog sendiri, terus teringat la pasal kewujudan ni blog. Ingat-ingat lupa lagi tu passwordnya apa. Nasib juga la boleh lagi login. 

Anyway, selalu juga bah kamu bertiga at the back of my mind, tapi macam nda mau la kacau-kacau. Jadi, tiba-tiba ada rasa macam mau baca cerita dulu zaman sekolah dan segala macam perasaan yang diluahkan dalam blog ni. Surprisingly, macam banyak sudah benda yang ingat-ingat lupa sudah. So, it's kinda cute (and cringy too HAHAHA) to actually reading it all again, tapi di tahun yang lain. Itu ja la.

Sudah lama juga kita ni nda update what's going on in life, dan macam nda berapa tau sudah cerita masing-masing. Tapi, knowing that you guys are well and striving wherever you guys are, pun sudah OK. Apa-apa benda mau share pun, we're just one call away, anyway. Cuma macam sedih juga kan, nda banyak benda yang kita cerita-cerita sudah. Rasanya group kita dalam WA pun nda pernah sudah ada notifikasi baru. Kahkah, gila juga bah kita ni. Terlampau nda berhubung!

Apa-apapun, semoga terus sukses walau di mana berada, my dear Mischievous Four besties. Eheks. Pandai-pandai la kita hidup, kalau ada apa-apa cari seja la. Gituhhh.

Tapi kan, rindu sia, sumpah!